• Til að átta sig hér og nú með aðstoð valdrar tónlistar sem örvar allar stöðvar heilans og vekur upp minningar
• Virkni með þátttöku í söng og hreyfingu sem þjálfar andlega og líkamlega getu
• Gefur aukin lífsgæði og getur minnkað þörf á geðlyfjum, sem hafa oft slæm áhrif á andlegt atgervi og heilastarfsemi
• Sjálfsefling og gleði í gegnum músíkiðkun og/eða hlustun á valda tónlist
• Slökun með tónlist

Dæmi um virkni músíkmeðferðar fyrir ólíka hópa:

Börn

með einhverfu, ADHD, þroska- og hreyfihömlun o.fl.

Aldraðir

með heilabilun / Alzheimer´s

Geðrænir kvillar

T.d stress, þunglyndi,kvíða, áfallastreitu o.fl.

• Eflir samskiptahæfni
• Þjálfar mál og málþroska
• Þjálfar hreyfifærni og lífsþrótt
• Veitir tilfinningaútrás
• Valdefling og sjálfsyrking
• Kitlar hláturtaugarnar og veitir gleði
• Vinna með samskipti
• Vekur áhuga og einbeitingu
• Virkar sem umbun í samskiptum

• Tilfinningaútrás
• Aðferð til að ná sambandi við erfiðar tilfinningar og vinna með þær
• Fá innsýn inn í vandmálin og finna leiðir til að takast á við daglegt líf
• Virkja líkamann með hreyfingu og raddvinnu
• Sjálfsefling
• Sjálfsþekking
• Vinna með samskipti
• Upplifa gleði og aukin lífsgæði
• Læra að slaka á með tónlist

Dæmi um aðferðir og nálgun

Tónlistin er verkfæri og hvort sem er iðkun eða hlustun, – er notað sem útgangspunktur til að vinna með og ræða þau markmið sem eru sett upp í byrjun meðferðar /kennslu. Til að byrja með er mikilvægt að kynnast og tengjast skjólstæðingi og vita hvað hann/ hún vill vinna með í meðferðinni. Við setjum upp markmið og meðferðaráætlun. Því næst kynni ég möguleika og aðferðir meðferðarinnar og við prófum okkur áfram með hlustun og ég afla mér upplýsinga um hvernig viðkomandi skjólstæðingur hefur notað tónlist hingað til og hvaða tónlistarsmekk hann/hún hefur. Því næst prófum við okkur áfram með spuna, sem er mikið notuð aðferð í músíkmeðferð. Yfirleitt er auðvelt að brjóta ísinn þar, þegar fólk fæst til að prófa og finna hvað spuni getur verið skemmtilegur, mikil tilfinningaútrás án orða og síðast en ekki síst hvað hann gefur miklar upplýsingar um hvernig líðanin er. Músík- hlustun og iðkun er ca. helmingur meðferðarinnar. Hinn helmingurinn er samtal þerapistans og skjólstæðingsins.

Spuni

Spuni er góð aðferð til að tala saman með tónlist, ná sambandi við tilfinningar og líðan og fá útrás fyrir tilfinningar. Eftir á er alltaf samtal til að ræða hvað kom upp og vinna með það áfram. Það góða við spunann er, að allt er rétt, ekki hægt að gera neitt vitlaust og engin þörf á að vera með tónlistarnám að baki til að geta tekið þátt í frjálsum spuna, hvort sem er opið eða með ákveðið þema eða spilareglu.

Hlustun

Hlustun á valda tónlist getur verið virk tónlistarhugleiðsla, þar sem viðkomandi heldur einbeitingu, lætur hugann reika og tekur eftir tilfinningum og hugsýnum eða hugrenningatengslum sem koma upp. Eftir hlustunina tölum við saman um það sem kom upp, skrifum niður áhrifin eða teiknum málum mynd, sem verður útgangspunktur í samtalinu sem fylgir.Hlustun á slakandi tónlist, oft í lok tímans er góð leið til að æfa og tileinka sér slökun með tónlist.

Raddvinna

Að vinna með röddina getur verið t.d. að syngja til að ná upp málgetu eftir að hafa orðið fyrir heilaskaða á vinstra heilahveli þar sem málstöðin er staðsett. Söngurinn er staðsettur á hægra heilahveli og þjálfunin er með það markmið að þjálfa upp málgetu í gegnum sönginn. Við tölum saman með söng og aðlögum smám saman tónana í söngtalinu að eðlilegum tónhrynjaanda í talmáli.Tónun er aðferð til að talast á við t.d þunglyndi eða kvíða Til að ná upp hljómi í röddinni þarf að anda djúpt, rétta úr sér og virkja líkamann. Hægt er að mæla yfirtóna raddarinnar í byrjun og lok meðferðar og mæla þannig hljóminn í röddinni og sjá batann koma smám saman. Þessa aðferð notaði Dr. Sanne Storm í Doktorsverkefni sínu 2013 til að sýna fram á áhrif músíkmeðferðar fyrir þunglynt fólk.

Hreyfing

Dansinn og dansþörfin er meðfædd eins og við sjáum svo vel þegar lítil börn byrja að dilla sér við tónlist strax á 1.ári. Líkamleg upphitun fyrir músíkmeðferðartímann er mjög æskileg til að ná sambandi við líkamann og finna hvernig okkur líður hér og nú, koma inn í núið, finna sig og vera tilbúin(n) til að takast á við það sem við erum að vinna með hverju sinni.